Vështirësohet qarkullimi në magjistralen Mitrovicë-Prishtinë, shkak vërshimet e ujit

Nga mbrëmë është raportuar se në disa lagje të Mitrovicës ka pasur vërshime nga uji.

Si pasojë e sasisë së madhe të ujit edhe tek Liqeni Akumulues disa rrugë janë bërë të pa qarkullueshme, shkruan Jepi zë.

Edhe në Komunën e Vushtrrisë gjendja nuk paraqitet më e mirë, pasi raportohet se në disa vende ka pasur vërshime nga ujërat.

Magjistralja Mitrovicë-Prishtinë, në saktësisht në dalje të qytetit të Vushtrrisë, uji ka dalur në këtë rrugë, duke shkaktuar vështirësi në qarkullimin e automjeteve.

Ndryshe, dy ditët e fundit Kosova dhe rajoni janë përfshirë nga reshjet e mëdha të shiut.