Tre të mitur tentojnë grabitje me thikë në butikun ” Arti” në Prishtinë, sulmojnë shitësen dhe arratisen
Një tentim-grabitje me thikë ka ndodhur sot pasdite në rrugën “Isa Boletini” në Prishtinë, ku cak ishte një butik rrobash.
Burimet e Sinjalit bëjnë me dije se rreth orës 18:00, tre të mitur ende të paidentifikuar kanë hyrë në butik “Arti”, ku njëri prej tyre ka marrë nga arka 50-60 euro para të gatshme. Në ato momente, shitësja D.A. ka arritur ta ndalojë njërin prej të dyshuarve, por një tjetër ka nxjerrë thikë duke arritur të shpëtojnë dhe të largohen pa e marrë paratë me vete.
Fatmirësisht, viktima nuk ka raportuar për lëndime. Njësitë relevante të Policisë kanë dalë në vendin e ngjarjes dhe po merren me identifikimin e të miturve.
Me urdhër të Prokurorit, rasti është iniciuar si “Vjedhje grabitqare” dhe hetimet po vazhdojnë.