Akuza të forta, Hodaj: Radoiçiqi organizonte gara në Kosovë, FFK nuk më lejoi të ankohem në UEFA

Ish-ushtruesi i detyrës së sekretarit të Federatës së Futbollit të Kosovës, Taulant Hodaj, ka reaguar ashpër pas zhvillimeve të fundit në Kongresin e UEFA-s në Beograd, ku flamuri i Kosovës u hoq gjatë një seance.

Në një postim të gjatë në Facebook, Hodaj ka akuzuar FFK-në për mosveprimi dhe ka ngritur shqetësime serioze lidhur me situatën e futbollit në Kosovë.

Hodaj ka thënë se Serbia ka krijuar një federatë serbe për Kosovën, e cila është një pjesë e statutit të Federatës së Futbollit të Serbisë.

Edhe më shqetësues është fakti se garat e futbollit serb në Kosovë, paralelisht me ato të FFK-së, sipas Hodajt, i ka udhëhequr terroristi Milan Radoiçiq.

“Vërtetë e ligë veprimi i Serbisë, siç është e ligë edhe ekzistenca e një federate paralele për ‘Kosovën dhe Metohinë’ brenda statutit të Federatës së Futbollit të Serbisë, me figura si Radoiçiqi, që kanë drejtuar gara paralele në Kosovë. Kërkesa ime të mëhershme për t’iu ankuar UEFA-s ndaj Serbisë për këtë shkelje flagrante të parimeve të futbollit dhe rregullave të UEFA-së është injoruar nga FFK-ja pa asnjë arsye legjitime“, tha ai.

Hodaj ka thënë se ka ndier të nevojshme të ndajë disa shqetësime thelbësore rreth zhvillimeve të fundit në Kongresin e UEFA-së në Beograd.

“Ashtu siç u pa qartë në Beograd, simbolet dhe respekti për Kosovën u shkelën në mënyrë flagrante, ndërsa mungoi një reagim proaktiv dhe protestë e dinjitetshme nga Federata e Futbollit e Kosovës. Vërtetë e ligë veprimi i Serbisë, siç është e ligë edhe ekzistenca e një federate paralele për ‘Kosovën dhe Metohinë’ brenda statutit të Federatës së Futbollit të Serbisë, me figura si Radoiçiq, që kanë drejtuar gara paralele në Kosovë. Kërkesa ime të mëhershme për t’iu ankuar UEFA-s ndaj Serbisë për këtë shkelje flagrante të parimeve të futbollit dhe rregullave të UEFA-së është injoruar nga FFK-ja pa asnjë arsye legjitime,” ka shkruar ai.

Në reagimin e tij, Hodaj ka shtuar se për të shmangur përsëritjen e këtyre skenarëve të papranueshëm, është imperativ që FFK-ja të kërkojë në mënyrë aktive nga UEFA dhe organizatorët respektimin e plotë të statutit dhe trajtimin e barabartë.

“Për të shmangur përsëritjen e këtyre skenarëve të papranueshëm, është imperativë që FFK-ja vetë të kërkojë në mënyrë aktive nga UEFA dhe organizatorët respektimin e plotë të statutit dhe trajtim të barabartë. Në mungesë të një iniciative të tillë, ne si futboll kosovar dhe si shtet, diskreditohemi dhe gjendemi në pozita të pafavorshme,” shkroi Hodaj.

“Besoj fuqimisht se vetëm me një qasje proaktive, të guximshme dhe të bazuar në parimet e statutit të UEFA-s, mund të sigurojmë respektin e merituar për futbollin dhe shtetin tonë. Është koha për një ndryshim thelbësor në mënyrën se si FFK-ja e përfaqëson Kosovën në skenën ndërkombëtare,” ka përfunduar Hodaj