Aksident mes dy veturave në Ferizaj, tre të lënduar

Tre persona janë lënduar si pasojë e një aksidenti trafiku të ndodhur mes një veture me targa vendore dhe një tjetrës me të huaja, në rrugën “Epopeja e Jezercit” – Ferizaj.

Lajmin e konfirmoi Kanun Veseli, zëdhënësi i policisë për Ferizajn.

Ai tha se viktimat kanë marrë ndihmë mjekësore në Qendrën Emergjente të qytetit, e më pas janë liruar.

“Janë përfshirë dy vetura, njëra me targa vendore dhe tjetra me targa të huaja. Veç dëmeve të shkaktuara materiale, lëndime trupore kanë pësuar tre persona, të cilët pasi kanë marrë ndihmën e parë mjekësore në Qendrën Emergjente në Ferizaj janë liruar. Në vendin e aksidentit kanë dalë Njësia e Hetimeve të Aksidenteve për hetimin e rastit, se si ka ardhur deri te aksidenti”, tha ai.