E rëndë: Dërgohet pa shenja jete një person në QKUK, Policia nis hetimet

Një rast i rëndë është raportuar të enjten nga Qendra Klinike Universitare e Kosovës, ku një person është dërguar pa shenja jete. Për vdekjen e viktimës tashmë kanë nisur hetimet, ndërsa rasti është konfirmuar edhe nga Policia, raporton Gazeta Sinjali.

Sipas informacioneve të para, i ndjeri është dërguar pa shenja jete në këtë qendër, ku është konstatuar vdekja nga ekipi mjekësor.

Me t’u kryer ekzaminimi për shenjat vitale, është njoftuar Policia dhe si rezultat, njësitë përkatëse kanë dalë në vendin e ngjarjes.

Lidhur me rastin, dy persona janë intervistuar nga Policia, ndërsa akoma s’dihen detajet e tjera.

Me vendim të prokurorit kujdestar, trupi i pajetë është dërguar në IML për obduksion dhe është iniciuar rasti si “Hetim i vdekjes”.