45-vjeçari tenton të vrasë gruan por qëllon për vdekje vajzën 16-vjeçare

Një ngjarje e rëndë ka ndodhur në shtetin e Italisë.

Një 45-vjeçar me prejardhje nga shqiptaria ka kryer një krim të dyfishtë gjatë mesnatës.

Ai ka ekzekutuar vajzën e tij 16-vjeçare dhe një shtetas italian.

Mediat italiane raportojnë se Taulant Malaj, dyshonte se gruaja e tij 39-vjeçe kishte një lidhje me italianin.

Gjatë konfliktit, Malaj ka tentuar të vrasë bashkëshorten, por dyshohet se ka qenë vajza 16-vjeçare e çiftit që ka ndërhyrë për të mbrojtur nënën është qëlluar për vdekje nga autori.

Po ashtu është bërë e ditur se më pas në rrethana ende të paqarta, Malaj ka qëlluar shtetasin italian, në shkallët e pallatit, aty ku duken njollat e mëdha të gjakut, raporton Topchanel.

Plagë ka marrë edhe 39-vjeçarja, që ndodhet në spital jashtë rrezikut për jetën. Malaj u arrestua pranë pallatit.

Gjatë ndalimit, ka rrëfyer se po kërkonte djalin e tij pesë vjeçar. Në vendngjarje u sekuestrua arma e vrasjes, një thikë kuzhine.

Familja shqiptare ishte me origjina nga Selenica e Vlorës, ndërsa nuk dihet nëse mes çiftit ka pasur konflikte të mëparshme.