11-vjeçarja ngacmohet seksualisht nga një burrë para banesës, e preku me zor në gjoks e të pasme
Policia e Kosovës ka nisur hetimet për një rast të ngacmimit seksual ndaj një 11-vjeçareje në Prishtinë, që u raportua nga ajo dhe prindërit e saj, dje në orët e pasdites.
Burimet e Sinjalit brenda Prokurorisë kanë dhënë detaje nga denoncimi që është bërë në Polici, ku e mitura ka rrëfyer se si ndodhi rasti para banesës së saj, na rrugën ‘Besa’.
Në dëshminë e dhënë para hetuesve policorë, ajo ka deklaruar se është ngacmuar seksualisht nga një burrë, i cili e ka shfrytëzuar kohën derisa ajo ka qenë para banesës dhe e ka prekur me zor nëpër gjoks e të pasme.
Posa vajza ka filluar të shqetësohet dhe të tentojë t’i thërras prindërit, i dyshuari ka ikur.
Ky rast ka tronditur prindërit e saj, për çka edhe e raportuam në Polici. Pas denoncimit, Policia është vënë në lëvizje për të mbledhur informacione për ta identifikuar të dyshuarin, të cilin vajza e ka përshkruar me disa fjalë.
Me vendim të Prokurorit të Shtetit kanë nisur hetimet në drejtim të veprës penale “ngacmim seksual” dhe është urdhëruar sigurimi i prezencës së të dyshuarit.
