ZKA: Mbi 60 mijë euro u dhanë si subvencione për libra pa plotësuar kriteret më 2024

Auditorja e Përgjithshme, Vlora Spanca, ka bërë të ditur se gjatë vitit të kaluar janë evidentuar parregullsi të rëndësishme në procesin e subvencionimit të librave shkollorë.

Gjatë auditimit të pasqyrave financiare të MASHT-it, Spanca ka treguar se janë dhënë mbi 60 mijë euro për libra pa plotësuar kriteret e nevojshme.

“Për këtë kemi folur edhe në konferencën paraprake, për pasqyrat financiare të MASHT-it për vitin 2024 është publikuar në qershor 2025. Aty kemi prezentuar mangësitë sa i përket çështjeve që ndërlidhen me subvencionimin e librave. ZKA-ja ka identifikuar mbi 60 mijë euro janë dhënë si subvencion apo kanë aplikuar qytetarë të cilët nuk i kanë plotësuar kriteret për fëmijët e tyre që të marrin subvencionimin për libra. Kjo ka ndodhur si pasojë e kontrolleve jo të mira nga Ministria e Arsimit në bashkëpunim me Agjencinë e Shoqërisë së Informacionit e cila e ka zhvilluar këtë praktikë.”, ka thënë Spanca.