Zbulohet motivi i mundshëm për vrasjet e shumëfishta në Beograd

14-vjeçari që kreu krimin makabër me nëntë të vrarë në Beograd kishte marrë pjesë në shumë gara shkollore dhe ishte nxënës i dalluar.

Nxënësi i klasës së shtatë të mërkurën në mëngjes shkoi në shkollën fillore “Vladislav Ribnikar”, debatoi me rojën dhe e vrau, para se të futej në klasë në orën e historisë dhe të qëllonte nxënësit. Ai la të vdekur tetë nxënës dhe plagosi shtatë të tjerë. Armën që e përdori për ta kryer krimin e kishte marrë nga babai.

Ai kishte marrë pjesë disa herë në garat e matematikës dhe e kishte fituar vendin e tretë në garën e lëndës së biologjisë.

Siç shkruan “Telegraf.rs”, 14-vjeçari e kishte inatin me mësuesin e historisë. Pikërisht në klasën ku ai po mbante mësim, ka hyrë dhe ka qëlluar pa mëshirë. Mësuesi ka mbetur i plagosur.

Sipas dëshmitarëve, autori i ngjarjes ishte ngacmuar nga bashkëmoshatarët e tij vitin e kaluar. Këtë vit, atij iu ndërrua klasa, ku vazhdonte të ishte viktimë e ngacmimit nga bashkëmoshatarët.

Ai është arrestuar. Pas arrestimit, i pyetur nga policët se përse ka kryer krimit, 14-vjeçari është përgjigjur: “Jam psikopat”.