Vetaksident i rëndë në Rahovec: 49-vjeçari përplaset në murin e një shtëpie, dërgohet me urgjencë në QKUK
Një aksident i rëndë ka ndodhur sot në mëngjes në rrugën “Vëllezërit Frashëri” në Rahovec, ku është përfshirë vetëm një automjet. Shoferi i motokultivatorit ka pësuar vetaksident dhe për pasojë ka marrë lëndime serioze.
Sinjali mëson se bëhet fjalë për një 49-vjeçar, i cili për shkak të lëndimeve të rënda është dërguar me urgjencë në Qendrën Klinike Universitare për trajtim mjekësor.
Ai dyshohet se është përplasur në murin e një shtëpie, pasi fillimisht ka humbur kontrollin mbi automjeti.
Lajmin e kanë konfirmuar edhe nga Policia rajonale në Gjakovë.
