Vdes në banesë në Kosovë gazetarja nga Ukraina, Olga Priadko
Ka vdekur gazetarja nga Ukraina, Olga Priadko, e cila po jetonte në Prishtinë.
Lajmin e ka konfirmuar Asociacioni i Gazetarëve të Kosovës.
“Zonja Priadko ka vdekur në banesën e saj në Prishtinë, ku jetonte për më shumë se 2 vjet me djalin e saj, Yaroslavin”.
Priadko ishte pjesë e programit “Gazetarët në Rezidencë – Kosova”.
Postimi i plotë i AGK-së:
Me dhimbje të thellë, Asociacioni i Gazetarëve të Kosovës njofton vdekjen e gazetares ukrainase, Olga Priadko, në moshën 51 vjeçare. Ajo ishte pjesë e programit “Gazetarët në Rezidencë – Kosova”. Zonja Priadko ka vdekur në banesën e saj në Prishtinë, ku jetonte për më shumë se 2 vjet me djalin e saj, Yaroslavin.
AGK dhe Qendra Evropiane për Lirinë e Shtypit dhe Medias (ECPMF) shprehin ngushëllimet e tyre më të thella për familjen dhe miqtë e gazetares Priadko. Përkushtimi i saj në gazetari do të kujtohen dhe nderohen nga të gjithë ata që punuan me të.
