Ushtria turke trajnon ushtarët e FSK-së në përdorimin e antitankut

Forca e Sigurisë së Kosovës (FSK) ka realizuar një stërvitje ushtarake me instruktorë të ushtrisë turke, duke u fokusuar në përdorimin e antitankut HAR-66.

Në një njoftim të dielën, FSK-ja theksoi se stërvitja kishte për qëllim përgatitjen e nënoficerëve dhe oficerëve për të ngritur kapacitetet e tyre profesionale ushtarake, në përputhje me standardet e vendeve të zhvilluara, shkruan Jepi zë.

Sipas njoftimit, trajtimi u realizua në kuadër të bashkëpunimit midis FSK-së dhe Republikës së Turqisë.

“Instruktorët e ushtrisë turke realizuan trajnim teorik dhe praktik në përdorimin e antitankut HAR-66, duke përgatitur nënoficerët dhe oficerët e Kosovës për të ngritur kapacitetet e tyre profesionale dhe për të krijuar ndërveprueshmëri me partnerët në dobi të paqes dhe sigurisë globale,” thuhet në njoftim përcjell Jepi zë.