Traktori ia “merr” jetën edhe një qytetari të Kosovës
Një person është goditur për vdekje me traktor në Rahovec, pasditen e së mërkurës.
Siç njofton policia “raportohet se i dyshuari mashkull kosovar duke lëvizur mbrapa me traktor, dyshohet se nga pakujdesia ka goditur viktimën mashkull kosovar duke i shkaktuar lëndime trupore”.
Viktima pasi ka arritur në spitalin e Gjakovës ka ndërruar jetë, ku vdekjen e tij e ka konstatuar ekipi mjekësor.
“Me vendim të prokurorit, trupi i pajetë është dërguar në IML për obduksion”, thuhet tutje në njoftimin policor.
