Të shtënat te ‘Bregu i Diellit’: Zbulohet kush janë dy personat që u plagosën – dërgohen në QKUK

Të shtëna me armë zjarri janë dëgjuar sonte te ‘Xhambazët’ në lagjen “Bregu i diellit”, në Prishtinë, ku dy persona kanë mbetur të lënduar, teksa tre të tjerë janë arrestuar. Rasti është konfirmuar tashmë edhe nga Policia, ndërsa janë zbuluar detaje të reja.

Sinjali raportoi ekskluzivisht se personat e arrestuar janë Gentian Makolli, i moshës madhore dhe G. Makolli, i mitur.

Ndërsa burime brenda QKUK kanë bërë me dije se dy tw plagosurit që u pranuan në këtë qendër janë Mehmet Metolli dhe Ataola Tahiri.

Lajmin lidhur me incidentin e ka konfirmuar edhe zëdhënësja e Policisë për Rajonin e Prishtinës Flora Ahmeti.

“Sot rreth orës 21:00 policia ka marrë informatën për  plagosje me armë zjarri të ndodhur në lagjen Bregu i diellit në Prishtinë.

Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Bazuar në të dhënat fillestare  dyshohet se me armë zjarri janë plagosur dy persona, të cilët janë dërguar për tretman mjekësor. Hetuesit policor në koordinim me prokurorinë, po ndërmarrin  veprimet hetimore ndërkohë që lidhur me këtë rast deri tani janë arrestuar tre persona të dyshuar.“