Të shtëna me armë zjarri në Istog, lëndohet një person
Një person në Istog e ka goditur një tjetër me kondak të armës disa herë në kokë e duke u larguar ka shtënë një herë me armë zjarri.
Zëdhënësi i Policisë së rajonit të Pejës, Fadil Gashi ka thënë se viktima është dërguar për trajtim mjekësor ndërsa i dyshuari është në arrati.
“I dyshuari e ka goditur në kokë viktimën disa herë me kondak të armës duke i shkaktuar lëndime trupore. Me t’u larguar i dyshuari ka shtënë një herë me armë zjarr”, deklaroi ai.
“Policia ka dalë në vendin e ngjarjes, ku e ka takuar viktimën. Ky i fundit është dërguar për trajtim mjekësor e më pas edhe u intervistua nga policia. I dyshuari lidhur me ngjarjen është ende në arrati, por është i njohur për policinë. Lidhur me rastin është njoftuar edhe prokurori dhe i njëjti e ka inicuar si “Vrasje në tentativë””, tha ai, transmeton Insajderi.
