Tallet Olluri: 20 vjet s’mujten me e nxanë “Papiqulon”, qeveria Kurti ia shurdhoi pipat e BMW-së për 2 vjet

Arrestimi i personazhit që me muzikën e lëshuar në veturën e tij po shqetësonte prishtinasit, ka nxitur reagimin ironik të gazetarit Parim Olluri.

Ai në një postim në Facebook, është tallur duke thënë se pushtetet e kaluara s’kanë mundur 20 vjet ta zë personazhin e njohur si “Papi Chulo”, teksa këtë po e bën Qeveria Kurti për 2 vjet, shkruan lajmi.net.

“20 vjet s’kane mujte me nxane Papi Chulon. Qeveria Kurti per 2 vjet ia shurdhoi pipin e BMW’se. Era shtet!”, shkroi ai.

Ndryshe, personi të cilit në rrjete sociale po i referohen si “Papichulo”, shkaku i këngës me zë të lartë me të cilën shqetësonte qytetarët, është evidentuar se ka mbi 200 gjoba nga Policia.

Ai dje ka përfunduar në prangat e policisë nën dyshimin për “Shkaktim të Rrezikut të Përgjithshëm”.