Sigurimi gjen “iPhone” të fshehur në TV-në në Qendrën e paraburgimit në Mitrovicë
Në Qendrën e Paraburgimit në Mitrovicë, oficerët korrektues kanë arritur të parandalojnë futjen e kontrabandës brenda kësaj qendre.
Gjatë bastisjes rutinore në sallën e vizitave, stafi i sigurisë ka zbuluar se brenda TV-së së sjellë nga vizitori, në mënyrë të kamufluar, ishte fshehur një telefon i tipit iPhone.
I burgosuri ndaj të cilit ishte dedikuar iPhone-i është veçuar dhe ndaj tij është iniciuar procedurë disiplinore.
Vizita është anuluar dhe për rastin është njoftuar edhe Policia e Kosovës.
“Shërbimi Korrektues i Kosovës mbetet i përkushtuar në luftimin e kontrabandës brenda institucioneve korrektuese dhe asnjëherë nuk do të qëndrojë duarkryq përballë këtyre dukurive negative që rrezikojnë rendin dhe sigurinë e saj” thuhet në njoftimin e Qendrës.
