Shtesat e rrezikshmërisë, Kurti: NJSI do t’i ketë 150 euro në muaj dhe nuk është pak

Kryeministri i Kosovës, Albin Kurti ka folur lidhur me vendimin e Qeverisë për shtesat e rrezikshmërisë për pjesëtarët e Policisë së Kosovës.

Kurti tha se shtesat që do t’i marrin pjesëtarët e Policisë së Kosovës, nga 150 euro në muaj nuk janë pak.

“Shtatë kategori me shtesa prej 45 euro në 150 euro në muaj, njësia Speciale Intervenuese 150 euro në muaj, dhe mendoj që kjo nuk është pak. Unë do t’i takoj po sa të kthehem, do të thotë këtë javë që vjen dhe kjo 150 euro është. Deri vonë kemi pasur pagën minimale për personat nën 35 vjeç 130 euro, për ata mbi 35 vjeç i kemi pasur 170 euro. Kjo është shtesë e rrezikshmërisë dhe rrezikshmërinë ne do ta zvogëlojmë jo veç me shtesa, por me pajisje gjithnjë e më moderne për pjesëtarët e Njësisë Speciale Internuese për të cilët unë jam shumë mirënjohës për kontributin që japin, por zgjidhja duhet të jetë racionale në Kosovë dhe nëse e shikoni me e krahasu me bruto produktin vendor për kokë banori, është mbi vendet e Evropës Perëndimore”, tha Kurti në intervistë për ATV.