Publikohen pamjet e para nga rrëzimi i helikopterit me të cilin udhëtonte presidenti i Iranit
Publikohen pamjet me dron nga vendi ku u rrëzua helikopteri me të cilin udhëtonte presidenti i Iranit, Ebrahim Raisi, ministri i Jashtëm Hossein Amir-Abdollahian si dhe të gjithë zyrtarët e tjerë në bord.
Pamjet me dron të rrënojave u morën nga Gjysmëhëna e Kuqe dhe u transmetuan në mediat shtetërore iraniane. Agjencia e lajmeve FARS tregoi vendin e rrëzimit në një kodër të pjerrët dhe të pyllëzuar.
#BREAKING So far, “no sign of life” has been detected at the crash site, Iran’s state TV said, as rescue units are moving toward the wreckage.
— Iran International English (@IranIntl_En)May 20, 2024
Një zyrtar i tha agjencisë së lajmeve Reuters se helikopteri ishte plotësisht i djegur. Më herët, një dron turk zbuloi një burim nxehtësie, duke vlerësuar se ishin rrënojat e helikopterit që mbante Ebrahim Raisin dhe “koordinatat u ndanë me autoritetet iraniane”. Anadolu publikoi gjithashtu video me kamerë termike.
