Pse tradhtojnë vajzat? Capital T bën deklaratën që djemtë nuk kanë qejf ta pranojnë
Reperi shumë i dashur për publikun, Capital T ka dhënë së fundmi një intervistë për “Zë me Mirën” me Mira Kazhanin. Gjatë intervistës, ai ka folur për tradhtinë. Reperi ka zbuluar se nuk ka tradhtuar asnjëherë në aspektin e marrëdhënieve seksuale, por u tregua i sinqertë duke thënë se ka tradhtuar me flirte dhe biseda, të cilat gjithashtu i konsideron tradhti.
Capital T gjithashtu ka treguar se një ish e dashur e ka tradhtuar, por kjo ka ndikuar për mirë te ai. “Falë” tradhtisë së partneres, reperi ka kuptuar se pamja nuk është gjithçka dhe njerëzit tradhtojnë për arsye të ndryshme, të tilla si: ai mund të jetë person më i mirë, më i komunikueshëm ose mund të flasë më mirë.
Mira Kazhani: A ishte më i pashëm se ti?
Capital T: Fatkeqësisht ka qenë katastrofik, më i keq se unë, edhe pse nuk mund të gjykoj njerëzit e të flas për veten se më gjykojnë të tjerët, por që ai vërtetë ka qenë shumë i keq. Por ajo më ka bërë mirë dhe më ka bërë të kuptoj shumë gjëra.
Mira: Çfarë kuptove? Pse mund ta bëjë një njeri këtë?
Capital T: Kam qenë shumë i ri por kam hyrë në analiza që nuk i kisha menduar në atë moshë, që pamja nuk është gjithçka, që mund të jetë diçka tjetër. Mund të jetë person më i mirë, më i komunikueshëm, mund të dijë të flasë më mirë, mund të dijë t’i shpjegojë ose trajtojë gjërat më mirë.
