Policia e Kosovës po e kërkon me qen specialë serbin e arratisur nga burgu i Mitrovicës

Një i burgosur me kombësi serbe, Đorđe Radomiroviq, 34 vjeç nga Novi Pazar, është arratisur dje nga burgu në Mitrovicën e Veriut, ka njoftuar SHKK.

Radomiroviq ishte dënuar në vitin 2014 për vrasjen e një personi me kombësi serbe, M.V. nga fshati Leshak, si dhe për plagosjen e rëndë të vëllait të tij.

Policia ka ngritur pika statike kontrolli në të gjithë veriut të Kosovës dhe ka angazhuar njësitë specializuara me qen (K9) për gjetjen dhe kapjen e tij.