Policia arreston dy persona, njëri nga ta gëlltit një qese të vogël me kokainë për ta fshehur

Policia e Kosovës ka arrestuar dy persona në flagrancë, pasi të njëjtit janë kapur me drogë.

Lajmin e ka konfirmuar Policia, e cila ka njoftuar se kur dy të dyshuarit janë ndaluar, njëri nga ta e ka gëlltitur një qese të vogël me kokainë, në mënyrë që ta fshehë dëshmitë.

“Personat e dyshuar E.XH., (viti i lindjes 1982) dhe A.I., (viti i lindjes 1979) janë ndaluar, por gjatë ndalimit është vërejtur se i dyshuari i dytë me qëllim të fshehjes së dëshmive ka gëlltitur një qese të vogël me lëndë narkotike të llojit kokainë, të cilën paraprakisht e kishte blerë nga i dyshuari i parë”, njofton Policia, shkruan Gazeta Sinjali.e

Me qëllim të sigurimit të provave të nevojshme, Policia e ka kontrolluar banesën e të dyshuarit E.XH. dhe ka gjetur e konfiskuar lëndë narkotike dhe armë.

“Të dyshuarit janë shoqëruar për intervistim dhe në konsultim me prokurorin kujdestar i dyshuari E.XH. dërgohet në mbajtje për rastet nga neni 267 dhe 366 i KPRK-së, kurse i dyshuari A.I dërgohet në mbajtje për disa urdhër arreste të mëhershme të cilat i kishte aktive”, zbulon njoftimi, shkruan Gazeta Sinjali.

Njoftimi i plotë:

Policia e Kosovës, konkretisht Drejtoria për Hetimin e Trafikimit me Narkotik dega në Prishtinë, në vazhdën e luftimit të shitblerjes së paautorizuar të narkotikëve, sot me datën 21.05.2024 ka realizuar një plan taktik lidhur me rastin e koduar ,,Rrethi’’ ku në asistencë edhe të një njësiti të hetimeve nga st. policor Fushë Kosovë, rreth orës 14:30 në rrugën e ,,Pejës’’ në Fushë Kosovë ka ndaluar dhe arrestuar në flagrancë dy persona të dyshuar.

Personat e dyshuar E.XH., (viti i lindjes 1982) dhe A.I., (viti i lindjes 1979) janë ndaluar, por gjatë ndalimit është vërejtur se i dyshuari i dytë me qëllim të fshehjes së dëshmive ka gëlltitur një qese të vogël me lëndë narkotike të llojit kokainë, të cilën paraprakisht e kishte blerë nga i dyshuari i parë.

Me qëllim të sigurimit të provave të nevojshme, në konsultim me prokurorinë e krimeve të rënda Prishtinë, është kryer kontrolli i banesës së të dyshuarit E.XH., ku me këtë rast në cilësinë e provave materiale janë gjetur dhe konfiskuar:

• Substancë e dyshuar narkotike kokainë e ndarë në 17 qese (16 te vogla të gatshme për shitje dhe 1 me sasi më të madhe) me peshë të përgjithshme prej 99.4  gramë,
• Një pako në të cilën kishte një lloj përzierësi që përdoret për shtimin e sasisë së kokainës me peshë prej 63 gramë ,
• Një peshore digjitale që përdoret për matje precize në sasi të vogla dhe disa qese të zbrazura,
• Para të gatshme  në vlerë 1750 Euro,
• 3 Armë automatike AK-47
• 6 karikatorë
• Municion të llojeve të ndryshme në sasi prej 510 copë.
• 2 bajoneta dhe 8 pjesë të ndryshme për armë.
• Një palë dylbi dhe 2 këllëfë armësh .
• Një telefon celular

Vlera e përafërt e narkotikëve të konfiskuar sipas çmimit të tregut llogaritet rreth 6000 Euro.

Të dyshuarit janë shoqëruar për intervistim dhe në konsultim me prokurorin kujdestar i dyshuari E.XH. dërgohet në mbajtje për rastet nga neni 267 dhe 366 i KPRK-së , kurse i dyshuari A.I dërgohet në mbajtje për disa urdhër arreste të mëhershme të cilat i kishte aktive.