Parashikimi i motit për sot, priten edhe fjolla bore

Sot pritet të mbajë mot plotësisht i vranët, i zymtë dhe me reshje shiu. Reshje më të dendura shiu priten në pjesën jugore, qendrore, perëndimore dhe lindore të vendit, ndërsa reshje paksa më të pakta parashihen në veri të vendit.

Temperatura maksimale mund të arrijë deri në 12 gradë Celsius. Në viset më të larta malore do të ketë fjolla dëbore.

Në Shqipëri, Maqedoninë Veriore, Luginën e Preshevës dhe Mal të Zi pritet të mbajë mot plotësisht i vranët, i zymët dhe me reshje shiu. Lokalisht priten reshje të dendura shiu dhe rrebeshe intensive shiu me vetëtima dhe bubullimë (Shqipëri, Maqedoni). Temperaturat shënojnë ulje të ndjeshme dhe do të jetë një ditë tipike karakteristike vjeshtore. Në viset më të larta malore do të ketë gjasa për fjolla dëbore.

Nga e mërkura përmirësim gradual i motit, por nuk do të ketë stabilizim të plotë. Parashihen alternime mes vranësirave e intervaleve kohore me diell. Rrallë në disa vise parashihet ndonjë rigë ose rrebesh afatshkurtër shiu.

Mjaft ngrohtë për këtë periudhë kohore do të jetë sidomos të premtën dhe të shtunën, ndërsa rrebeshe të fuqishme shiu me bubullima masive parashihen të shtunën në Mal të Zi. Disa nga këto rrebeshe mund të kapin edhe veriun dhe bregdetin e Shqipërisë dhe eventualisht gjatë natës Kosovën./METEOBALLKAN