Paralajmërohen reshje të mëdha shiu, rritet rreziku nga vërshimet

Instituti Hidrometeorologjik i Kosovës ka njoftuar se sot pasdite do të vazhdojnë reshjet në vend.

Sipas njoftimit, reshjet me intensitet dhe në sasi, më të larta do të jenë në pjesën perëndimore të vendit.

Si rrjedhojë do të vështirësohet edhe më tepër situata edhe ashtu e rënduar nga ditët e kaluar e të cilat shkaktuan disa vërshime.

“Kjo situatë do të vazhdoj edhe gjatë ditës së nesërme por me intensitet më të ulët”, thuhet në njoftim.

Njoftimi i plotë:

Duke filluar nga sot pasdite 22/11/2022, në pjesën më të madhe të vendit do të vazhdojnë reshjet, por me intensitet dhe në sasi, më të larta do të jenë në pjesën perëndimore të vendit. Kjo situatë do ta vështirësoi edhe më tepër edhe ashtu të rënduar nga ditët e kaluar e të cilat shkaktuan disa vërshime. Aktualisht tendencat e niveleve dhe prurjeve të ujit në shumicën e lumenjve janë në rënie të letë, por pas vazhdimit të reshjeve, pritet që përsëri ata të pësojnë ngitje me mundësi që ti kalojnë kapacitetet e tyre transportuese nëpër disa segmente dhe si pasojë do paraqiten edhe përmbytje lumore, por edhe tejngopje e tokave të shkaktuar nga sasia e madhe e reshjeve.
Kjo situatë do të vazhdoj edhe gjatë ditës së nesërme por me intensitet më të ulët.