Pacolli poston foto me Trumpin: Jo veç Amerika, edhe bota do të bëhet mirë përsëri

Kryetari i AKR-së, Behgjet Pacolli, pasi Donald Trump fitoi zgjedhjet presidenciale të ShBA-së, është shprehur i bindur se bota do të bëhet “mirë përsëri”.

“I bindur se jo vetëm Amerika por edhe Bota do të bëhet mirë përsëri!”, shkroi ai në Facebook

Shkrimi i Pacollit është i bashkëngjitur me një foto të tijën gjatë festës që u organizua për nder të fitores së Trumpit, në Mar A Lago.

Kreu i AKR-së pati thënë se ishte ndjenjë e veçantë pjesëmarrja në këtë festë, ndërsa Trumpin e cilësoi si mik të shqiptarëve.