Një person i lënduar në aksidentin që ndodhi në mëngjes te rrethi i madh në Prishtinë

Një person ka mbetur i lënduar nga aksidenti që ndodhi mëngjesin e sotëm te rrethi i madh në Prishtinë.

Rastin e ka konfirmuar zëdhënësja e policisë për rajonin e Prishtinës, Flora Ahmeti.

Ajo tha se aksidenti ka ndodhur mes një motoçiklete dhe një veture në lëvizje.

“Rreth orës 08:00 kemi pranuar informatën se në lagjen Lakrishtë në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një motoçikletë dhe një veturë në lëvizje. Si pasojë e aksidentit lëndime trupore ka pësuar një person (ngasësi i motoçikletës). Personi i lënduar është dërguar për trajtim mjekësor. Me rast po merret njësiti i trafikut”, tha Ahmeti.