Një grua në Gjakovë gjendet e vdek’ur në banesën e saj

Një grua është gjetur pa shenja jete të enjten në banesën e saj në rrugën “Aleksandër Mojsiu” në Gjakovë.

Lajmin e bëri të ditur Sheremet Elezaj, zëdhënës për media në Policinë e Gjakovës.

“Me datë 23.01.2025 rreth orës 18:40, viktima femër e moshës madhore është gjetur pa shenja jete në banesën e saj në rrugën “Aleksandër Mojsiu” në Gjakovë. Vdekja e saj është konstatuar nga personeli mjekësor. Me vendim të prokurorit të shtetit është iniciuar rast ‘hetim i vdekjes’”, ka thënë Elezaj.