Nipi i Jakup Krasniqit kritikon ‘stupcat’: Këta që godisnin komandantët e paskan mbajtur të fshehur hajninë mes vete
Pas publikimit të lajmit për dyshim të keqpërdorimit të mbi 150 mijë eurove te “Stupcat”, ka ardhur reagimi i nipit të Jakup Krasniqit, Ariani, i cili nuk ishte pajtuar asnjëherë me humorin që bënin ata duke u tallur me komandantët e UÇK-së.
“Keta qe godisnin komandantet dhe luften e flisnin per hajni sikur te ishin padronet e drejtesise, krejt skenaret i paskan pase te bazuara, por jo per te “verteten” qe e shisnin, por per ate qe e paskan mbajtur te fshehur, hajnine mes vete. Moralizues gjithandej”, ka shkruar Arian Krasniqi në profilin e tij në Facebook.
Stupcat disa herë kishin bërë humor me personalitetin e Jakup Krasniqit, madje ata së fundi e paraqitën Krasniqin prapa grilave ku morën shumë komente negative nga familjarët e Jakup Krasniqit i cili po mbahet në Hagë në pritje të nisjes së gjykimit.
