Nëse e shihni këtë fëmijë, lajmërojeni menjëherë Policinë e Kosovës
Policia e Kosovës po kërkon ndihmë për gjetjen e një 13 vjeçari.
Ai është zhdukur që nga 10 dhjetori ndërsa rastin e ka raportuar nëna e tij.
Policia kërkon që personat që e shohin këtë fëmijë apo din diçka për vendndodhjen e tij të raportojnë Policin Rajonale në Prizren , apo në cilin do stacion të policisë në Kosovë.
Njoftimi i plotë:
Kërkohet fëmija i zhdukur- Ender Cahani (13 vjeçar)
Prizren, 13 Dhjetor 2022
Jeta Cahani, nëna e Ender Cahanit nga Prizreni, me datë 10 Dhjetor 2022 ka raportuar në polici zhdukjen e djalit të saj të mitur.
Ender Cahani, nga e ëma Jeta, lindur me datë 09.08.2009 nga Prizreni, Republika e Kosovës, për here të fundit është parë nga e ëma e tij me datë 08 Dhjetor 2022 në ora 18:20, kur ka dalë nga shtëpia dhe nëna e tij më nuk ka asnjë kontakt me të.
Sipas ankuesit viktima është: mashkull, me peshe mesatare, flokët të shkurtra, 13 vjeçar.
Ankuesja thotë se edhe tjetër here ka ndodhur që fëmija të largohet nga shtëpia dhe është kthyer prapë, por tani nga koha e largimit të tij nga shtëpia ajo më nuk ka asnjë kontakt.
Personi i raportuar si zhdukur deri me sot nuk është gjet, andaj kërkojmë bashkëpunim nga të gjithë qytetarët, që nëse e shohin personin (fëmijën) e njëjtë apo din diçka për vendndodhjen e tij të raportojnë Policin Rajonale në Prizren , apo në cilin do stacion të policisë në Kosovë.
