Ndodh sërish: Policisë i ikë i dyshuari nga stacioni policor

Arrestimi dhe shoqërimi i të dyshuarve që kapen për vepra të ndryshme penale bëhet me siguri të lartë, që ua pamundëson atyre ikjen. Por raste të tilla nuk janë edhe të rralla për Policinë e Kosovës. Shpeshherë ka ndodhur që të dyshuarit t’iu ikin para syve të tyre, qoftë në lokacionet ku kanë intervenuar, apo edhe nga stacionet policore.

Një rast i tillë ka ndodhur edhe të shtunën, në mesdite, në stacionin policor në Podujevë, ku një i dyshuar për dhunë në familje arriti të ikë nga Policia. Gjithçka ndodhi për pak minuta, kur i dyshuari shfrytëzoi kohën sa zyrtari policor nuk gjendjet afër tij dhe ia mbathi.

Burimet nga Prokuroria kanë bërë me dije se i dyshuari ishte shoqëruar në stacion policor në lidhje me një rast që ishte denoncuar dhe derisa polici po konsultohej me Prokurorin e Shtetit në lidhje me inicimin e rastit ndaj të dyshuarit, ky i fundit u ‘zhduk’.

Kjo bëri që Policia të aktivizohej sërish, me ç’rast u zbulua se i dyshuari kishte shkuar fillimisht në shtëpinë e tij, ku ka tentuar t’i sulmojë prindërit e tij dhe më pas është larguar sërish në një drejtim të panjohur dhe ende nuk është bërë lokalizimi i vendndodhjes së tij.

Lexo edhe:  Goditet një person nga rrufeja në Rahovec, dërgohet me urgjencë në QKUK Lajme / 05 July 2022, 23:08 Një person në Rahovec është goditur sonte nga rrufeja. Rasti ka ndodhur në fshatin Fortesë të kësaj komune. Siç kanë bërë të ditur nga Policia, viktima është dërguar për trajtim në QKUK. “Një person i moshës madhore është goditur nga rrufeja në fshatin Bellacerkë. Prej familjarëve, personi është dërguar në Rahovec dhe për shkak të gjendjes së rëndë është dërguar për trajtim të mëtutjeshëm në QKUK”, kanë thënë nga Policia