Ndërrimi i pushtetit në komunat e Listës Serbe fillon më 5 dhjetor

Seancat për ndërrimin e pushtetit në komunat me shumicë serbe janë caktuar për më 5 dhjetor në ora 11:00. Ato janë thirrur nga kryetarët e zgjedhur të Listës Serbe (LS).

Lista Serbe ka fituar 10 komuna, përfshirë katër komunat në veri të Kosovës, të cilat që nga viti 2022 udhëhiqen nga kryetarët shqiptarë.

LS ka fituar në komunat e Mitrovicës së Veriut, Leposaviq, Zveçan, Zubin Potok, Gracanicë, Novobërdë, Partesh, Ranillug, Shtërpcë dhe Kllokot.

Në Kllokot, seanca konstituive do të mbahet në një datë tjetër, ndërsa në 9 komunat e tjera, seancat do të zhvillohen më 5 dhjetor, raporton Kossev.