“Mu afrua dhe më pyeti”, mediat serbe thonë se ky është personi i fundit që kontaktoi me Faton Hajrizin

Dragoljub Milutinoviq një banor i Loznicës, raportohet se është personi i fundit i cili ka folur për herë të fundit me Faton Hajrizin.

Millutinoviq ka pasur një kotakt të afërt me Hajrizin pak para se ai të vritej nga policia e Serbisë.

“Gjithçka ndodhi rreth orës 13:00. Ky shqiptar m’u afrua dhe më pyeti se ku ishte rruga për në Banja Koviljaça. Unë i shpjegova se si të shkonte dhe menjëherë pas kësaj dëgjova të shtëna armësh”, tha Millutinoviq .

“Fillimisht ka pasur të shtëna teke e më pas janë dëgjuar rafale. Nuk kisha frikë për veten time, por kisha për fëmijët e shtëpive aty pranë, sepse aty ka familje që rrisin bagëti dhe kanë shtëpitë e tyre”.

Faton Hajrizi dyshohet se ka vrarë policin Nikolla Krsmanoviq dhe ka plagosur një tjetër.