“Mos na tregoni përralla…”, vendosen pankarta proteste në hyrje të Kuvendit kundër ngërçit politik

Para fillimit të seancës së radhës për konstituimin e Kuvendit të Kosovës, një qytetar ka vendosur disa pankarta në hyrje të institucionit, duke e shndërruar veprimin e tij në një formë proteste ndaj bllokimit politik që ka pamundësuar funksionalizimin e Kuvendit për disa muaj.

Në pankarta, ai ka shprehur mesazhe të drejtpërdrejta ndaj deputetëve dhe klasës politike. Në njërën prej tyre shkruhet: “Mos na tregoni përralla me Simiça, me Rašića e me arusha. Zhbllokone Kuvendin nisjani punës!”. Ndërsa një pankartë tjetër, e shkruar në gjuhën serbe, përmban mesazhin: “Branislave, želim ti brz i srećan oporavak” (Branislav, të uroj shërim të shpejtë dhe të lumtur).