Mbytet në Golem turistja sllovake

Një turiste sllovake humbi jetën pasditen e kësaj të marte në plazhin e Golemit.

Burime zyrtare të policisë thonë se viktima është një grua 61-vjeçare e cila u mbyt teksa lahej në det.

“Rreth orës 19:30, në Golem, dyshohet se duke u larë në det, është mbytur aksidentalisht shtetasja M.J., 61 vjeçe, banuese në Sllovaki. Grupi hetimor vijon punën për sqarimin e plotë të rrethanave dhe shkakut të mbytjes”, thuhet në njoftimin e policisë së Kavajës.