Loredana kapet ‘mat’ me unazën e Don Xhonit në gisht?

Raporti mes reperëve të njohur, Don Xhonit dhe Loredanës, vazhdon të jetë një nga temat më të përfolura në botën e showbiz-it shqiptar dhe më gjerë.

Edhe pse disa javë më parë, gjatë një interviste, Loredana kërkoi që të mos “merremi me thashetheme”, ajo gjithsesi shprehu vlerësim të madh për Don Xhonin, duke i lënë dyert e hapura për interpretim.

Pak më vonë, një video ku të dy shfaqeshin në të njëjtën makinë ndezi spekulimet se marrëdhënia mes tyre është ende e afërt, nëse jo më shumë.

Së fundmi, një detaj i ri ka nxitur fansat të mendojnë për një ribashkim sentimental: Loredana është parë në Prishtinë, duke mbajtur një unazë ari, që nuk përputhet me stilin e saj të zakonshëm. Fansat e vëmendshëm kanë vënë re se unaza është shumë e ngjashme me atë që Don Xhoni ka mbajtur më parë, duke ngritur dyshime se mund të jetë e njëjta.

Ky detaj i ri ka rikthyer në qendër të vëmendjes dyshen, ndërsa vetë artistët nuk kanë dhënë ende një koment zyrtar për raportin e tyre aktual.