Linda: Feja islame ma lejoi martesën me një njeri me ngjyrë, njerëzit në Kosovë më përndiqnin me makinë

Këngëtarja Linda Halimi ka zbuluar detaje rreth jetës së saj personale në shtëpinë e Big Brother VIP Kosova.

Linda tregoi për periudhën e vështirë që kaloi pasi u martua me reperin afro-amerikan Big D, duke u bërë kështu njëra ndër gratë shqiptare të para që hapi këtë rrugë.

Linda u shpreh se feja islame lejon martesën me një të huaj dhe me ngjyrë, por realiteti në Kosovë, ku mentaliteti ende mbetet i prapambetur, u tregua ndryshe.

Ajo tha se ka përjetuar kërcënime dhe ofendime të shumta për shkak të zgjedhjes së saj për partner jetësor.

Situata arriti në një pikë kulmore kur një herë, pas një koncerti të mbajtur me bashkëshortin e saj Big D në Kosovë, persona të panjohur i thyen xhamat e makinës së çiftit.