Ky është i arrestuari nga Antidroga në Prizren, u kap me marihuanë dhe kokainë

Një aksion i Njësisë së Antidrogës i zhvilluar të martën në mbrëmje në Prizren, rezultoi me arrestimin e një personi të dyshuar për drogë dhe sekuestrimin e një sasi të marihuanës dhe kokainës.

I dyshuari ka përfunduar në ndalim dhe rasti është konfirmuar tashmë edhe nga Policia

I dyshuari është kapur fillimisht me dy qese marihuanë në veturën e tij e më pas i është kontrolluar edhe banesa, ku u kap një sasi e kokainës.

Sinjali ka mësuar ekskluzivisht se i dyshuari që ra në prangat e Antidrogës është Veron Nafezi, rreth 21-vjeçar.

Me urdhër të gjyqtarit të procedurës paraprake dhe në koordinim me Prokurorin e Shtetit, Policia e ka bastisur banesën e tij në rrugën “Brigada 125”.

Përveç kokainës, në banesën e tij, zyrtarët policorë kanë gjetur dhe konfiskuar edhe telefon, para të gatshme e peshore për matjen e narkotikëve.

Pas përfundimit të procedurave, me urdhër të Prokurorit të Shtetit, Nafezi është dërguar në mbajtje për 48 orë.

Ndaj tij është iniciuar hetimi në drejtim të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.