Kosova po “çmendet” me çmime: Një milka që para pak ditësh kushtonte 1.2 euro, sot po shitet me 1.99 me zbritje – 2.49 euro çmimi normal

Çmimet e produkteve ushqimore vazhdojnë të rriten dita-ditës në Kosovë, duke prekur shumë produkte të përditshme që konsumatorët i blejnë shpesh.

Së fundmi, një lëvizje dukshëm e madhe është vërejtur në sektorin e çokollatave, ku çmimi ka përjetuar një rritje të konsiderueshme, shkruan IndeksOnline.

Një shembull konkret është çmimi i çokollatës “Milka”. Muajin e kaluar, një paketë e këtij produkti shitej për 1,20 euro, ndërkohë që nga dita e djeshme, çmimi i njëjtës çokollatë është rritur ndjeshëm në shumicën e marketeve në vend, duke arritur në 2,49 euro.

Kjo rritje e çmimit ka shkaktuar shqetësim tek konsumatorët, të cilët po përballen me një rritje të përgjithshme të çmimeve të ushqimeve dhe produkteve të tjera të përditshme.