KFOR-i reagon pas raportimit se forcat serbe hynë në Kosovë
Sot gjatë ditës në mediat vendore u publikuan pamje, ku thuhej se shiheshin disa ushtarë në afërsi të fshatit Bërvenik të Komunës së Podujevës.
Sipas një qytetari i cili kishte denoncuar rastin, dyshohej për ushtarë serbë qe kanë prekur territorin e Republikës së Kosovës, raporton Sinjali.
Sinjali ka kontaktuar me Policinë e Kosovës për të marrë më shumë informacione lidhur me ato që raportohej.
Sipas Policisë së Kosovës bëhej fjalë për patrullimet e përbashkëta të KFOR-it me autoritetet e Serbisë.
Për këtë rast ka reaguar edhe misioni i NATO-s në Kosovë, KFOR-i.
Nga KFOR-i thonë se informacioni ishte i pasaktë dhe se nuk e pasqyron atë që ka ndodhur në të vërtetë.
“Sot, rreth orës 14:45, një njësi letoneze që i përkiste KFOR-it po përgatitej të fillonte një patrullë të planifikuar të sinkronizuar me Forcat e Armatosura Serbe, përgjatë të dy anëve të vijës kufitare administrative. Në kohën kur u bë fotografia në fjalë, personeli letonez po koordinohej me homologët e tyre serbë, të cilët ishin pozicionuar në anën e tyre të vijës kufitare administrative” ka thënë mes të tjerash KFOR-i, në një reagim zyrtar.
Ky është reagimi i plotë i KFOR-it:
Misioni i KFOR-it i udhëhequr nga NATO-ja dëshiron t’i përgjigjet një lajmi të publikuar këtë pasdite, i cili portretizon një njësi serbe duke drejtuar armët drejt civilëve në territorin e Kosovës. Ky informacion nuk është i saktë dhe nuk pasqyron atë që ka ndodhur në të vërtetë.
Sot, rreth orës 14:45, një njësi letoneze që i përkiste KFOR-it po përgatitej të fillonte një patrullë të planifikuar të sinkronizuar me Forcat e Armatosura Serbe, përgjatë të dy anëve të vijës kufitare administrative. Në kohën kur u bë fotografia në fjalë, personeli letonez po koordinohej me homologët e tyre serbë, të cilët ishin pozicionuar në anën e tyre të vijës kufitare administrative.
Është e rëndësishme të theksohet se skuadra letoneze ishte pozicionuar më tej pas liderit të tyre, i cili ishte i përfshirë në koordinimin e aktiviteteve me Forcat e Armatosura Serbe. Imazhi mund të ishte prerë për të përjashtuar pjesët që përshkruanin liderin letonez duke biseduar me udhëheqësin e SAF.
Patrulla e sinkronizuar është kryer në mënyrë profesionale dhe në respekt të plotë të procedurave të përcaktuara mirë. KFOR-i vazhdon të zbatojë mandatin e tij të OKB-së, duke ofruar një mjedis të sigurt dhe të sigurt për të gjitha komunitetet që jetojnë në Kosovë, në çdo kohë dhe në mënyrë të paanshme”.
