KFOR-i amerikan qëndroi në gjendje gatishmërie në Jarinje teksa serbët po protestonin në territorin serb

Mbi dhjetë mjete ushtarake të KFOR-it kanë arritur në pikën kufitare në Jarinje mëngjesin e sotëm.

Në këtë pikë nisën një izolim me tela gjemborë.

Krejt kjo për shkaqe sigurie, pasi aty u mblodhën një grup i serbëve për të protestuar.

Gjatë protestës pati edhe përplasje në mes të protestuesve dhe policëve serbë por në fund protestuesit u tërhoqën.

Gjatë krejt kësaj kohe, KFOR-i kishte qëndruar në afërsi të pikës kufitare.

Misioni paqeruajtës i NATO-s në Kosovë ka konfirmuar se ka shtuar prezencën në pikën kufitare në Jarinje, shkaku i protestës që u mbajt në pjesën e territorit serb.

KFOR-i në një përgjigje për Klankosova theksoi se kjo u bë për shkak të ekzistimit të rrezikut potencial për “grupe kriminale” brenda protestuesve.