KEDS zë 500 persona duke e vjedhur rrymën

Akoma pa përfunduar muaji mars numri i keqpërduresve të energjisë elektrike ka shkuar në mbi 500 konsumatorë.

Në një komunikatë të KEDS, u bë e ditur se janë kryer plot 6124 kontrolle në distriktet dhe nën distriktet, 500 prej të cilëve rezultuan se po e anashkalonin matjen e saktë të energjisë elektrike, përcjell Klankosova.tv.

“Përgjatë tri javëve të këtij muaji në të gjitha distriktet dhe nën distriktet janë kryer 6124 kontrolle të konsumatorëve të energjisë elektrike, për të cilët dyshohej se po keqpërdorin rrymën. Prej tyre mbi 500 u vërtetua se po e anashkalonin matjen e saktë të energjisë elektrike”, u tha pos tjerash në njoftim.