Incidenti i zjarrit në Emshir, dëshmitari nga vendi i ngjarjes: Shumë panik, disa banorë kanë mbetur brenda
Një ndërtesë është përfshirë nga zjarri para pak minutash në Emshir të Prishtinës, raporton Gazeta Sinjali.
Në pamjet e siguruara nga Sinjali, shihen banorët të cilët kanë dalë jashtë banesës.
Sipas informacioneve të para, në vendin e ngjarjes tashmë kanë arritur zjarrfikësit dhe veturat e ambulancës.
Ndërkaq, një dëshmitar që ndodhet në vendin e ngjarjes ka thënë për Sinjalin se banorët janë në panik dhe dyshohet që disa qytetarë kanë mbetur brenda ndërtesës.
