I shtrirë në tokë pak metra larg makinës së shkrumbuar, del foto e njërit prej viktimave nga atentati në Fushë Krujë

Tre persona janë vrarë në një atentat në mbikalimin e Fushë Krujës. Mesditën e kësaj të diele është qëlluar me armë zjarri kallashnikov në drejtim të një mjeti në lëvizje që për pasojë mjeti ka marrë flakë.

Pamjet janë nga momenti i parë i ngjarjes. Një prej viktimave ka dalë nga makina tip ‘Volkswagen’ por nuk ka shenja jete ndërsa dy persona të tjerë ndodhen ende brenda makinës që është përfshirë nga flakët.

Sakaq, Report Tv ka siguruar edhe fotografinë e njërit prej viktimave të atentatit në mbikalimin e Fushë-Krujës. Ai ka dalë nga automjeti që u qëllua me kallashnikov, por nuk i ka mbijetuar dot plagëve.