Franca dorëzon avionët e parë luftarakë “Mirage 2000-5” në Ukrainë
Franca ka dërguar avionët e parë luftarakë “Mirage 2000-5” në Ukrainë për të ndihmuar Kievin të mbrojë hapësirën e saj ajrore kundër Rusisë, kështu tha të sot ministri frances i Mbrojtjes, Sébastien Lecornu.
“Aeroplanët e parë kanë mbërritur në Ukrainë sot”, tha Lecornu në X, pa thënë se sa ishin dorëzuar. Pasi Franca ndihmoi në trajnimin e pilotëve ukrainas gjatë muajve të fundit, “ata tani do të ndihmojnë në mbrojtjen e qiellit të Ukrainës”, shtoi ai.
Qershorin e kaluar, Presidenti Emmanuel Macron njoftoi se Franca do të transferonte avionët Mirage 2000-5 në Ukrainë dhe do të trajnonte pilotët e saj ukrainas si pjesë e bashkëpunimit ushtarak me Kievin.
Nga 26 avionë Mirage 2000-5 në pronësi të forcave ajrore franceze, gjashtë do të transferoheshin në Ukrainë, sipas një raporti buxhetor të publikuar nga dhoma e ulët e Asamblesë Kombëtare të Francës.
Ministria franceze e mbrojtjes as e mohoi dhe as nuk e konfirmoi shifrën për arsye sigurie.
Pilotët ukrainas janë trajnuar në Francën lindore për të përdorur avionët, të cilët kanë pësuar modifikime, duke përfshirë luftimin e bllokimeve ruse.
