Elia Zaharia flet për herë të parë pas videos me Princ Lekën: U përpoqa të mbroj babanë
Për herë të parë që nga incidenti i raportuar mes saj dhe Princ Lekës, Elia Zaharia ka reaguar publikisht për ngjarjen që ka tërhequr një vëmendje të madhe mediale.
Në një intervistë ajo ka ndarë ndjesitë e saj në lidhje me situatën e tensionuar që ka hasur me ish-bashkëshortin e saj në proces divorci.
Të dyja palët janë raportuar të kenë bërë kallëzime në polici për dhunë fizike datën 5 mars, duke akuzuar njëri-tjetrin për veprime agresive. Princi ka deklaruar se është dhunuar nga ish-vjehrri i tij, Gjergj Zaharia, ndërsa familja Zaharia ka mohuar këto akuza, duke theksuar se ata janë viktimat e ngjarjes dhe duke sugjeruar moshën e shtyrë të Gjergjit si argument.
“Është një situatë shumë e vështirë për mua dhe familjen time. Nuk është e lehtë të kthehem në shtëpi dhe të gjej Lekën që përpiqet ta sulmojë babanë tim 73-vjeçar,” shprehet Elia.
“Konflikti nuk ka të bëjë absolutisht me mua, përveç se u përpoqa ta ndaloj. Për çdo gjë që ndodhi po ndjek rrugën gjyqësore,” shtoi ajo për Vizion Plus.
Princ Leka dhe Elia Zaharia janë në një proces dhe periudhë të ndërlikuar të divorcit pas shumë vitesh martesë dhe një historie të gjatë dashurie. Kujdestaria e vajzës së tyre, Geraldina Zogu, është në duart e Elia Zaharias, ndërsa Princi vazhdon të jetojë një jetë private të re me partneren e tij aktuale, fotografen Blerta Celibashi.
Incidenti ka nxitur kuriozitetin dhe spekulimet në publik, duke i shtuar një dimension të ri në narrativën e një histori tashmë të ndjekur nga mediat dhe publiku. Mbetet të shihet se si do të zgjidhet ky konflikt dhe çfarë ndikimi do të ketë në marrëdhëniet e vazhdueshme ndërmjet dy familjeve dhe në jetën e përditshme të të gjithë të përfshirëve.
