E tmerrshme: Fizioterapeuti i Malishevës e grushton gjyqtarin, pastaj tenton ta godasë me gurë

Një ngjarje e tmerrshme ka ndodhur pas ndeshjes Malisheva – Ferizaj që u zhvillua këtë javë në kuadër të Superligës së Kosovës në futboll.

Fizioterapeuti i Malishevës, Ali Bytyqi ka goditur me grusht asistentin e parë të ndeshjes, Edmond Zeqiri dhe më pas ka tentuar të godasë edhe me gurë, por këtë e ka parandaluar stafi i klubit, shkruan GazetaBlic Sport.

FFK ka hapur inicim disiplinor ndaj Ali Bytyqit, ku shkruhet:

“Ndaj: Fizioterapeutit të FC ”Malisheva”, Ali Bytyqi nr ID 017040M92. Motivi: Pas përfundimit të ndeshjes, duke hyrë në veturë i afrohet asistentit të parë e ofendon dhe e godet në fytyrë me grusht, mirëpo në vazhdim merr një gurë dhe tenton prap ta godasë por fal intervenimit të futbollistëve dhe kryetrajnerit të Malishevës u evitua më e keqja (e morën dhe e futën në lokalet zyrtare të klubit} Sipas raportit të zyrtarëve të ndeshjes Malisheva- Ferizaj”, shkruhet në njoftimin e FFK-së.