E dhimbshme: Ky është personi që humbi jetën dy javë pasi u aksidentua në Drenas

Një aksident trafiku kishte ndodhur paraditen e 31 marsit në fshatin Fushticë të Drenasit, ku një veturë kishte goditur një këmbësor. Viktima kishte marrë lëndime trupore dhe që atëherë po trajtohej në Qendrën Klinike Universitare të Kosovës. Mirëpo ai nuk ka arritur që t’i përballojë lëndimet e marra dhe si pasojë ka ndërruar jetë ditën e djeshme, raporton Gazeta Sinjali.

Sinjali mëson se viktima është Xhemajl Zogaj.

Deri te aksidenti që i mori jetën Zogajt, dyshohet të ketë ardhur si pasojë e mospërshtatjes së shpejtësisë me kushtet e rrugës.

Shoferi që dyshohet se shkaktoi aksidentin, atëherë me urdhër të prokurorit, ishte dërguar në mbajtje.