E detyroi përdhunuesin e vajzës që ta hapte varrin dhe ta vriste veten, lirohet pas 6 muajsh burgim babai!

Një baba nga Rusia që e detyroi mikun e tij të gërmonte varrin e tij përpara se ta nxiste të vetëvritej për shkak të abuzimit seksual me vajzën e tij gjashtëvjeçe, është liruar nga burgu pas gjashtë muajsh.

Vyacheslav Matrosov, 35 vjeç, u burgos për 18 muaj, por tani është liruar një vit më herët. Ai e detyroi mikun e tij, Oleg Sviridov, 32 vjeç, të gërmonte një varr në një pyll pranë fshatit Vintai vitin e kaluar.

Babai i viktimës gjeti pamje në celularin e abuzuesit Sviridov duke e detyruar vajzën e tij, atëherë 6 vjeçe, të kryente një akt seksual ndaj tij.

Kufoma e Sviridov u gjet në shtator të vitit të kaluar, në varrin e improvizuar.

Matrosov fillimisht u mbajt nën dyshimin për vrasje, një akuzë që shkaktoi zemërim nga rusët që e panë këtë si të padrejtë.

Fshatarët e Vintait filluan një peticion që Matrosov të lirohej nga burgu nga Ministria e Punëve të Brendshme dhe Komiteti Hetues, raporto Mirror, transmeton Klankosova.tv.

“Peticioni, i nënshkruar nga më shumë se 2,500 njerëz, thoshte: “Çdo baba do ta kishte bërë këtë [të vriste dikë që panë duke abuzuar fëmijën e tyre]. Ky do të jetë një shembull për të gjithë”.

Në prill, gjykata e dënoi Matrosovin me 18 muaj për “nxitje të mikut të tij në vetëvrasje”.