Dyshohet se brenda një dite sulmoi fizikisht tri gra, bie në pranga 38-vjeçari në Rahovec
Një person është arrestuar sot në rrugën ‘Xhelal Hajda’ në Rahovec, pasi i njëjti dyshohet se ka sulmuar fizikisht tri gra.
Burimet e Gazetës Sinjali brenda Prokurorisë kanë bërë me dije se rastet kanë ndodhur në periudha kohore të ndryshme, teksa i dyshuari është konsumues i pijeve alkoolike.
38-vjeçari dyshohet se ka sulmuar viktimat, duke bërë kështu që të ndërhyjnë edhe kalimtarët e rastit të cilët u kanë dalë në ndihmë grave.
Si rezultat i denoncimit, i dyshuari është arrestuar dhe është shoqëruar në stacion policor, ku është intervistuar nga organet e hetuesisë.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor nën dyshimet për kryerjen e veprës penale ‘Sulm’.
