Dr. Nerxhivane Halim gjithmonë ndihmoi të tjerët – sot ka nevojë për ndihmën tonë
Dr. Nerxhivane Halimi, mjeke në Emergjencën e Qendrës Klinike Universitare të Kosovës (QKUK), e njohur për përkushtimin e saj dhe për ndihmën që u ka dhënë qindra qytetarëve ndër vite, sot po përballet me një sfidë të rëndë shëndetësore.
Ajo është diagnostikuar me aneurizma të shumëfishta në aortë – një gjendje e rrezikshme për jetën dhe që kërkon trajtim urgjent jashtë vendit. Kostoja e këtij trajtimi është 66 mijë euro, ndërkohë që Fondi i Sigurimeve Shëndetësore ka premtuar të mbulojë vetëm 13 mijë euro, shumë më pak nga ajo që parashihet me ligj.
Tashmë është nisur një fushatë për mbledhjen e fondeve që do të mundësonin trajtimin e saj. Familjarët, kolegët dhe qytetarët po bëjnë thirrje për solidaritet dhe ndihmë.
“Ajo ishte gjithmonë aty për ne në momentet më të vështira – tani është radha jonë të jemi aty për të.”
Të gjithë ata që duan të kontribuojnë për shpëtimin e jetës së saj, mund ta bëjnë këtë përmes fushatës së hapur për mbledhje fondesh.
Shpërndani këtë mesazh dhe kontribuoni – çdo ndihmë ka rëndësi!
